Լեզու սովորելու մասին շատ ուսումնասիրություններ են բարձրացնում այս հարցը՝ ի՞նչն է դարձնում մարդուն լեզուն լավ սովորող: Ահա մի քանի օգտակար առաջարկություններ ուսումնասիրություններից:
–Մի վախեցեք անել սխալներ: Մարդիկ հաճախ սխալվում են: Լեզուն լավ սովորողները նկատում են իրենց սխալները և սովորում դրանցից: Պետք չէ կոմպլեքսավորվել և հանձնվել:
–Կատարեք խմբակային գործողություններ: Մարդիկ օգտագործում են լեզուն այլ մարդկանց հետ հաղորդակցվելու համար: Լեզուն լավ սովորողը միշտ փնտրում է հնարավորություններ այլոց հետ խոսելու, քննարկելու, բանավեճելու:
–Նշումներ կատարեք յուրաքանչյուր դասի ընթացքում: Նշումները օգնում են հիշել նոր լեզուն: Նայիր նշումներդ, երբ անում ես տնային աշխատանք:
–Օգտագործեք բառարան: Լեզուն լավ սովորողները հաճախ են օգտագործում բառարաններ՝ ստուգելու բառի նշանակությունը, որը նրանք չգիտեն: Ունեցեք յուրացրած բառերի ցանկ ու մշտապես թարմացրեք այն:
–Մտածեք այն լեզվով, որը դուք սովորում եք, նաև դասասենյակից դուրս: Երբ գնումներ եք կատարում կամ քայլում եք փողոցով, հիշեք իրավիճակին համարժեք բառեր և արտահայտություններ:
–Կատարեք հավելյալ գործնական աշխատանքներ: Փորձեք բարելավել ձեր լեզուն՝ կարդալու և լսելու կարողությունը` ինքնուրույն ուսումնասիրության նյութերով: Համացանցում այս ամենից շատ կարող եք գտնել: Գործածեք համացանցը որպես մեծ շտեմարան:
–Պատկերացրեք ձեզ այդ լեզվով խոսելուց: Մի վախեցեք ինքներդ ձեզ տեսնել և լսել այդ լեզվով խոսելիս: Շատերը, ովքեր լավագույնս տիրապետում են օտար լեզվի, հենց այսպես են վարվում: Սա օգնում է նրանց մոտիվացիային:
–Վայելեք ընթացքը: Լեզուն լավ սովորողները ուրախանում են տվյալ լեզվով և այն դարձնում իրենց կյանքի մի մասնիկը: Նայեք ֆիլմեր, լսեք երգեր, խաղացեք վիդեո խաղեր կամ կարդացեք գրքեր: Երբեք ուշ չէ դառնալ լեզուն լավ տիրապետող:
By — Լիլիթ Օհանյան